കുറ്റ്യാടി ചുരത്തില് ഗതാഗത നിയന്ത്രണം: മെയ് 30 മുതൽ ഭാഗിക തടസ്സം
കോഴിക്കോട്: ജില്ലയിലെ കിഫ്ബി (KIIFB) പദ്ധതിയിൽ ഉൾപ്പെടുത്തി നിർമ്മാണം പുരോഗമിക്കുന്ന ഹിൽ ഹൈവേയുടെ ഭാഗമായി, കുറ്റ്യാടി ചുരത്തിൽ ഗതാഗത നിയന്ത്രണം ഏർപ്പെടുത്തുന്നു. റോഡ് നിർമ്മാണ പ്രവൃത്തികൾ നടക്കുന്ന സാഹചര്യത്തിൽ നാളെ (മെയ് 30) മുതൽ ഗതാഗതത്തിന് ഭാഗികമായി തടസ്സം നേരിടുമെന്ന് അധികൃതർ അറിയിച്ചു.
കേരള റോഡ് ഫണ്ട് ബോർഡ് (KRIDB) പ്രോജക്റ്റ് മാനേജ്മെന്റ് യൂണിറ്റ്, കോഴിക്കോട്/വയനാട് ഡിവിഷൻ എക്സിക്യൂട്ടീവ് എഞ്ചിനീയറാണ് ഇതുസംബന്ധിച്ച അറിയിപ്പ് നൽകിയത്. നിർമ്മാണ പ്രവർത്തനങ്ങൾ വേഗത്തിലാക്കുന്നതിന്റെ ഭാഗമായാണ് ഗതാഗത നിയന്ത്രണം ഏർപ്പെടുത്തുന്നത്. യാത്രക്കാർ ഈ ദിവസങ്ങളിൽ ഇതുവഴി യാത്ര ചെയ്യുമ്പോൾ കൂടുതൽ ശ്രദ്ധ പുലർത്തണമെന്നും അധികൃതരുമായി സഹകരിക്കണമെന്നും നിർദ്ദേശമുണ്ട്.
Comments
Post a Comment