ചക്കിട്ടപാറയുടെ കായിക പെരുമയ്ക്ക് പുതിയ തിളക്കം നൽകി അഭിരാമി കേരള യുണൈറ്റഡ് എഫ്.സിയിലേക്ക്
ചക്കിട്ടപാറ: ചക്കിട്ടപാറയുടെ കായിക പെരുമയ്ക്ക് പുതിയ തിളക്കം നൽകി നാട്ടുകാരിയായ അഭിരാമി ജെ.എസ്. കേരളത്തിലെ പ്രമുഖ ഫുട്ബോൾ ക്ലബ്ബായ കേരള യുണൈറ്റഡ് എഫ്.സിയിലേക്ക് (Kerala United FC) ഈ മിടുക്കി തിരഞ്ഞെടുക്കപ്പെട്ടു. വരാനിരിക്കുന്ന കേരള വുമൺസ് ലീഗിൽ (KWL) ടീമിന്റെ ജേഴ്സിയണിഞ്ഞ് അഭിരാമി മൈതാനത്തിറങ്ങും.
പ്രാദേശിക മൈതാനങ്ങളിൽ നിന്ന് സംസ്ഥാന ഫുട്ബോളിന്റെ വൻവേദികളിലേക്ക് ചുവടുവെച്ച് ചക്കിട്ടപാറ സ്വദേശിനി അഭിരാമി ജെ.എസ്. കേരളത്തിലെ പ്രമുഖ ക്ലബ്ബായ കേരള യുണൈറ്റഡ് എഫ്.സിയിലാണ് ഈ ചക്കിട്ടപാറ സ്വദേശിനി ഇടംപിടിച്ചത്. കേരള വുമൺസ് ലീഗിൽ (KWL) ക്ലബ്ബിനായി അഭിരാമി പന്തുതട്ടും.
ചക്കിട്ടപാറയിലെ ടാലെന്റ് ഫുട്ബോൾ സ്കൂളിന്റെ കണ്ടെത്തലാണ് ഈ പ്രതിഭ. അക്കാദമിയിലെ കോച്ചുമാരായ ഷിന്റോ കെ.എസ്. കല്ലാനോട്, യദു രാജ് കല്ലാനോട്, ജിഷ്ണു മാധവ് എന്നിവരുടെ കീഴിലായിരുന്നു പ്രാഥമിക പരിശീലനം. അഭിരാമിയിലെ കായിക പ്രതിഭയെ തിരിച്ചറിഞ്ഞ പരിശീലകർ നൽകിയ മികച്ച പ്രോത്സാഹനമാണ് ഇപ്പോൾ വലിയൊരു നേട്ടത്തിലേക്ക് വഴിതുറന്നത്.
ചക്കിട്ടപാറ ആത്രപ്പള്ളി വീട്ടിൽ ശ്രീജിത്തിന്റെയും ജിജിലയുടെയും മകളാണ് അഭിരാമി. നിലവിൽ കൊടുങ്ങല്ലൂർ എം.ഇ.എസ് അസ്മാബി കോളേജിലെ ഒന്നാം വർഷ ബി.എ ഇക്കണോമിക്സ് വിദ്യാർത്ഥിനിയാണ്.
ഗ്രാമത്തിലെ ചെറിയ മൈതാനങ്ങളിൽ നിന്ന് കരിയർ ആരംഭിച്ച ഒരു പെൺകുട്ടി സംസ്ഥാനത്തെ മുൻനിര ക്ലബ്ബിൽ എത്തിയത് ചക്കിട്ടപാറ ഗ്രാമത്തിനാകെ അഭിമാന നിമിഷമായി മാറിയിരിക്കുകയാണ്. നിരവധി പേരാണ് അഭിരാമിക്ക് അഭിനന്ദനങ്ങളുമായി രംഗത്തെത്തുന്നത്.
Comments
Post a Comment