സ്വപ്നച്ചിത്രം ബാക്കിയാക്കി നിതീഷ് മടങ്ങി; മലയാള സിനിമയ്ക്ക് നോവായി യുവ സംവിധായകന്റെ വേർപാട്
പെരുമണ്ണ ക്ലാരി: തന്റെ കന്നിചിത്രം വെള്ളിത്തിരയിൽ തെളിയുന്നത് കാണാൻ കാത്തുനിൽക്കാതെ യുവ സംവിധായകൻ നിതീഷ് സുധ (32) യാത്രയായി. പനിയെ തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം സംഭവിച്ചത്. പെരുമണ്ണ ക്ലാരി കഞ്ഞിക്കുഴങ്ങര കിഴക്കേ പുരക്കൽ കുടുംബാംഗമാണ്.
മലയാള സിനിമയിലെ പ്രതീക്ഷയുള്ള യുവ സംവിധായകരിൽ ഒരാളായാണ് നിതീഷ് അറിയപ്പെട്ടിരുന്നത്. ഇർഷാദ് അലി നായകനാകുന്ന 'പൊടിവാശി' എന്ന ചിത്രത്തിലൂടെ സ്വതന്ത്ര സംവിധായകനായി അരങ്ങേറ്റം കുറിക്കാനുള്ള തയ്യാറെടുപ്പിലായിരുന്നു അദ്ദേഹം. സിനിമയുടെ റിലീസിങ് ജോലികൾ അന്തിമഘട്ടത്തിൽ പുരോഗമിക്കവേ അപ്രതീക്ഷിതമായി എത്തിയ മരണം സിനിമാ പ്രവർത്തകർക്കും സുഹൃത്തുക്കൾക്കും വലിയ ആഘാതമായി.
വർഷങ്ങളായുള്ള സിനിമാ സ്വപ്നം യാഥാർത്ഥ്യമാകുന്നതിന് തൊട്ടടുത്തെത്തി നിൽക്കെയാണ് വിധി നിതീഷിനെ തട്ടിയെടുത്തത്. മലയാള സിനിമാ മേഖലയിലെ നിരവധി പ്രമുഖർ നിതീഷിന്റെ നിര്യാണത്തിൽ അനുശോചനം രേഖപ്പെടുത്തി
.
Comments
Post a Comment