കായണ്ണയിൽ തൊഴിലുറപ്പ് ജോലിക്കിടെ വീട്ടമ്മ കുഴഞ്ഞ് വീണ് മരിച്ചു
കായണ്ണ: കായണ്ണയിൽ തൊഴിലുറപ്പ് ജോലിക്കിടെ വീട്ടമ്മ കുഴഞ്ഞ് വീണ് മരിച്ചു. കായണ്ണ തുമ്പമല പടിഞ്ഞാറേച്ചാലിൽ കല്യാണി (61) ആണ് മരിച്ചത്. ഇന്ന് ഉച്ചക്ക് 2.45 ഓടെയാണ് സംഭവം.
പാറമുതു നെല്ലിയാട്ട് ഗംഗാധരന്റെ പറമ്പിൽ തൊഴിലുറപ്പ് ജോലിക്കിടെ കുഴഞ്ഞുവീഴുകയായിരുന്നു. ഉടൻ തന്നെ കായണ്ണ പിഎച്ച്സിയിൽ എത്തിച്ച് പ്രാഥമിക ചികിത്സ നൽകിയ ശേഷം പേരാമ്പ്ര ഇഎംഎസ് സഹകരണ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഭർത്താവ്: പരേതനായ കുഞ്ഞിരാമൻ.
മക്കൾ: ജിജേഷ്, ജിജിഷ.
മരുമക്കൾ: നിത്യ, ഷിജീഷ്.
സഹോദരങ്ങൾ: മാധവി, സുമതി, ലീല, സജി, രാജു, കുഞ്ഞിരാമൻ (കാവുന്തറ) പരേതയായ രാധ.
Comments
Post a Comment