മലയോര നാടിന്റെ അഭിമാനമായി അൽക്ക; സംസ്ഥാന സ്കൂൾ കായികമേളയിൽ നാലാം മെഡലുമായി വീണ്ടും അൽക്ക ഷിനോജ്
കൂരാച്ചുണ്ട്: മലയോര നാടിൻ്റെ കായിക പെരുമയിൽ വീണ്ടും പുതിയ അധ്യായം എഴുതി ചേർത്ത് കൂരാച്ചുണ്ടുകാരി അൽക്ക ഷിനോജ്. സംസ്ഥാന സ്കൂൾ ഒളിംപിക്സിൽ രണ്ടു ഇനങ്ങളിൽ സ്വർണ്ണവും ഓരോ വെള്ളിയും വെങ്കലവും ഉൾപെടെ മെഡലുകൾ കരസ്ഥമാക്കിയാണ് ഈ മിടുക്കി മലയോര നാടിൻ്റെ അഭിമാന താരമായത്.
തിരുവനന്തപുരത്ത് വച്ച് നടക്കുന്ന സംസ്ഥാന സ്കൂൾ കായികമേളയിൽ സെന്റ് ജോർജ് എച്ച് എസ് എസ് കുളത്തുവയലിൻ്റെ അൽക്ക ഷിനോജ് കോഴിക്കോടിന് വേണ്ടി സബ്ബ് ജൂനിയർ ഗേൾസിന്റെ 4 X 100 മീറ്റർ റിലേയിൽ ബ്രോൺസ് മെഡൽ നേടി.
നേരത്തെ 600 മീറ്റർ ഓട്ടത്തിൽ ഗോൾഡ് മെഡലും 200 മീറ്റർ ഓട്ടത്തിൽ സിൽവർ മെഡലും ഇന്ന് നടന്ന 400 മീറ്റർ ഓട്ടത്തിലും സ്വർണം മെഡലും അൽക്ക നേടിയിരുന്നു.
കായിക മേളയിൽ നിന്ന് 4 മെഡൽ ആണ് അൽക്കയുടെ നേട്ടം
കൂരാച്ചുണ്ട് പുളിവയലിൽ താമസിക്കുന്ന ചേറ്റാനിയിൽ സിആർപിഎഫുകാരനായ ഷിനോജിന്റെയും ജിതിനയുടെയും മകളാണ് അൽക്ക.
Comments
Post a Comment