മലയോര ഹൈവേ - കൂരാച്ചുണ്ട് അങ്ങാടിയിലെ പ്രശനം പരിഹരിക്കും

കൂരാച്ചുണ്ട്: മലയോര ഹൈവേക്ക് ഭൂമി വിട്ടുകൊടുത്ത അങ്ങാടിയിലെ കെട്ടിട ഉടമകളുടെ പുതിയ കെട്ടിട നിർമ്മാണത്തിനുള്ള അപേക്ഷകളിൽ തുടർനടപടികൾ സ്വീകരിക്കാൻ തീരുമാനിച്ചു. നിലവിൽ പുതിയ കെട്ടിട നിർമ്മാണ അനുമതിക്കായി അപേക്ഷ സമർപ്പിച്ചവർക്ക് അനുമതി ലഭിക്കാത്ത അവസ്ഥയാണുണ്ടായിരുന്നത്. 2019 കെട്ടിട നിർമ്മാണ ചട്ടങ്ങളിലെ 77 മുതൽ 82 വരെയുള്ള ചട്ടങ്ങൾ പ്രകാരമുള്ള ഇളവുകൾ ലഭിക്കും. ഈ ഇളവ് അനുവദിക്കുന്നതിനായി പ്രത്യേക സമിതിയുടെ പരിഗണനക്കായി അപേക്ഷകൾ സമർപ്പിക്കും. പഞ്ചായത്ത് പ്രസിഡന്റ് അധ്യക്ഷനായും പഞ്ചായത്ത് സെക്രട്ടറി കൺവീനറുമായിട്ടുള്ള സമിതിയുടെ യോഗം സെപ്തംബർ മാസത്തിൽ ചേരുന്നതാണ്.