കൂരാച്ചുണ്ട് ശങ്കരവയൽ ഭാഗത്ത് തെരുവു നായശല്യം രൂക്ഷം; ഭീതിയോടെ പ്രദേശവാസികൾ

കൂരാച്ചുണ്ട് : കൂരാച്ചുണ്ട് ശങ്കരവയൽ ഭാഗത്ത് തെരുവു നായശല്യം രൂക്ഷമായി തുടരുന്നു . ജിജോ കൊച്ചുവീട്ടിലിൻ്റെ വീട്ടിൽ രാത്രിയിൽ തെരുവു നായയുടെ ആക്രമണം ഉണ്ടായി . വീട്ടിൽ ഉണ്ടായിരുന്ന ചെരിപ്പുകളും വീടിൻ്റെ തറയിൽ വിരിച്ചിരുന്ന റെക്സിൻ ഷീറ്റും മറ്റും തെരുവു നായ്ക്കൾ കടിച്ചു നശിപ്പിച്ചു. കൊച്ചുകുട്ടികൾ അടക്കമുള്ള വീട്ടുകാർ ഭീതിയോടെയാണ് കഴിയുന്നത്.

രാത്രിയിൽ ലൈറ്റ് അണച്ചാൽ വീടിന്റെ പോർച്ചിലും വാഹനങ്ങൾക്ക് അടിയിലുമാണ് നായ്ക്കളുടെ വാസമെന്ന് പ്രദേശവാസികൾ കൂരാച്ചുണ്ട് ന്യൂസിനോട് പറഞ്ഞു. അധികാരികളുടെ അടിയന്തര ശ്രദ്ധ ഇക്കാര്യത്തിൽ ഉണ്ടാകണമെന്ന് പ്രദേശവാസികൾ ആവശ്യപ്പെട്ടു.