കോഴിക്കോട് ബീച്ചിൽ പോത്തുകളുടെ ആക്രമണം; ആറ് വയസ്സുകാരിക്ക് പരിക്ക്
കോഴിക്കോട് : പോത്തുകളുടെ ആക്രമണത്തിൽ കോഴിക്കോട് ബീച്ചിലെത്തിയ ആറ് വയസ്സുകാരിക്ക് പരിക്കേറ്റു. മലപ്പുറം മോങ്ങം സ്വദേശി കൊല്ലടിക യാസർ അറാഫത്തിന്റെ മകൾ ഇസ മെഹക്കിനാണ് (6) പരിക്കേറ്റത്.
ഇന്നലെ രാത്രി എട്ടോടെ ബീച്ചിലെ ഓപ്പൺ സ്റ്റേജിന് സമീപത്തായാണ് സന്ദർശകരെ ഭീതിയിലാഴ്ത്തിയ സംഭവമുണ്ടായത്. രണ്ട് പോത്തുകൾ പെട്ടെന്ന് ആളുകൾക്കിടയിലേക്ക് എത്തുകയായിരുന്നു. ഇതിൽ ഒരു പോത്ത് കടലിൽ കുളിച്ച് കരയിലേക്ക് കയറിയ കുട്ടികൾക്കിടയിലേക്ക് ചെന്ന് ആക്രമിച്ചു.
ഇസയുടെ ഇടത് വാരിയെല്ലിനാണ് പരിക്കേറ്റത്. കുത്തേറ്റ് നിലത്തുവീണ കുട്ടിയുടെ വാരിയെല്ലിന് സമീപം പോത്ത് ചവിട്ടുകയായിരുന്നു. മറ്റ് കുട്ടികളെയും ആക്രമിക്കാൻ ഒരുങ്ങിയപ്പോൾ ബന്ധുക്കളും മറ്റുള്ളവരും ചേർന്ന് ബഹളമുണ്ടാക്കി പോത്തുകളെ ഓടിച്ചു.
Comments
Post a Comment