ഓർമ്മക്കുറിപ്പ്

(ബിജു മോൻ)

✒️ കുഞ്ഞമ്മദ് കൂരാച്ചുണ്ട്

1990 .

വൈകുന്നേരം.. 4. 50

വട്ടച്ചിറയിൽ 

വയലടയിലേക്ക്

നടന്നു കയറുകയാണ് രണ്ട് കുഞ്ഞു മക്കൾ.

ജ്യേഷ്ടാനുജന്മാരുടെ രണ്ട് അരുമകൾ .

റെജി മോനും ബിജുമോനും 

പ്രായം പതിനൊന്ന് .

കളി ചിരിയും കളിവാക്കുകളുമായി

മല കയറുമ്പോൾ ചാറ്റൽ മഴ .

അവരുടെ നടത്തം വേഗം കൂടി

മല മുകളിൽ മഴ കട്ടിയായി പെയ്തു തുടങ്ങി .

ആകാശമിരുണ്ടു .

വീടണയാൻ വെറും നൂറ്റമ്പത് മീറ്റർ .

ഒരു ചെറുമലമടക്ക് .

മുകളിൽ നിന്നും മലവെള്ളം കുത്തിയിറങ്ങി .

അവരുടെ കുഞ്ഞിളം കാലുകൾ ഇടറി.

പിന്നെ ഉരുൾ .അവരുടെ ജീവനെ മഴ കൊണ്ട് പോയി .

മക്കളെ കാത്ത് വീട്ടുകാർ .

ഒടുവിൽ ആ ദുരന്തം അവരറിഞ്ഞു. പിന്നെ നാടാകെയും .കൂരാച്ചുണ്ട് മുഴുവൻ  വയലട കയറിയ ദിനം.

ആ കണ്ണീരോർമ്മയുടെ വഴിയിലാണ്

നമുക്ക് റോഡുണ്ടാവേണ്ടത് .

അവരുടെ ഓർമ്മയ്ക്ക്

നിത്യസ്മാരകം ..

ഓർമ്മകളിൽ 

അശ്രുപൂജ .